Dreamer

Football Club lian hi nei ve ila...

2012-01-13T11:57:00.001+05:30

Hmana ka ziah tawh ania ka rawn dah thar ve mai mai, Aizawl football club rawn ding hi tha ka ti riau a, hetiang lam rilru hi hman atangin kalo nei ve tawh thin a tih tarlan nan mai mai. Hma a sawn a a than chhoh zel beisei ila.

Keimah tak phei chuan ka khel thiam velo in a en pawh ka en ngailo na a, Mizoram ah heti khawpin a lar a, thalai tamtak in an tuipui a, khel ve thiamlo paw’n hmuhnawm anti talh tih te ka ngaihtuahin rual ka lo awtin thahnem ka lo ngai ve ringawt a. ngaihdan erawh a inanglo hle ang, tuna ka sawi tur pawh hi tha tilo emaw, ‘kan afford lo’ ti emaw tamtak in awm ang, mahse, tha inti emaw tilo emaw ka sawi ve hrim hrim dawn

Ramdang leh state danga football club te ka ngaihtuah hian Mizoram pum huap footbal club hi ka awt ve thin, Goa tepaw’n Sporting Clube de Goa an nei maia, an awh awm phian, India ram ah rau rau pawh, (Mama duhsak loh vang lam nilovin, a lar avangin example mai mai ani e) Mama khelhna apiang fan nilovin Mizoram FC emaw fan nih ngei a chakawm ka ti hle thina; heti hian ka’n fantasize vel thin ani..

A hming hrim hrim pawh khawimaw lai hming dubli deuh nilovin, Mizoram pum huap, Mizoram mipui zawng zawng lenna nise tute tan pawh fan nih nuam turin. A kalphung hrim hrim pawh club lian leh company kalphung ang nise.. a tam maia mahse engtinnge kan afford ang? player te hlawh..? tihvel rilru ah alo lut leh a. Heti hian ka’n ngaihtuah mai mai chhin a..

A tir ah chuan mipui tanrual tepawh angai anga, mimal ta nilovin company ang deuhin share ang zawng kan kal tir chuan nakina a hlawk natur ngaihtuah te, tlawmngaih vang te a pawisa invest duh an awm teuh ka’n ring ringawt a. Tin, in advertise nana sponsor duh kan van in ka ringlo bawka. A tir ah chuan donation te pawh khawn mai tur. He he! Hmun ual au deuh ah show room te nei sela, club jersey vel thildang tepawh fans te lei theiha pho na leh trophy lian ve deuh kan (kan ka’n ti lawk ange) lak huna pho chhuah na tur. Thildang pawh zawrh tel mai tur, mahse pawimawh deuh chu a club hian brand a nei dawn ani. Chu mai ala nilo, media lamah chanchinbu/magazine tepawh club in a tichhuak thei bawka, website ang zawngin emaw, chuta tang chuan sum a hmu thei bawk ang. Fans ngah leh ngahloh ah a innghat ve bawka Mizoram mipui tamtak hian a fans nih leh chanchinbu lo laksak chu kan hrehlo ang. Chutah chuan club chungchang leh fans te chhiar duhzawng bakah fans tepaw’n ngaihdan an thawh ve theihna column te siam ta sela kan inti tatu lehzual ang. Bakah Academy atangin sum a lakluh theih bawk ang, club lian ho chuan academy a awmte an chawm thina, keini chuan a tirah kan chawm theilo anih paw’n pawisa chawia naupang dah duh an awm teuh bawk ang.

A tir ah chuan hlawh sang pe theilo mah ila, engemaw zah chu an hlawh thei tho vang. Tin, football lamah hma kan sawn phahin, Mizoram chhung ngei ah football a eizawng kan nei ve tawh dawn ani. bakah a din tirh atangin BRAND changkang ve tak neih tir hi a sumdawnna laitak atan hian a pawimawh hle bawk.

A sei tawh emai duhtawk rih ang, nuam dawn siiiiin. huh!!

Evita...

2011-11-05T19:58:00.001+05:30

Tun tum chu ka hla mawi tih ve em em thin, "Don't Cry For Me Argentina" tih ka ngaihthlak apianga rilru a rawn lang lo theilo Eva Peron-i hi, a nulat laiin intawng ila chuan min duh chi tak tur anih ka rin tlat vang pawh nilovin ka rawn share ve mai mai. Nu nasa ve tak mai hi ania net ah chhiar theih rengin awm mahse rawn share loh chuan in chhiar awm kher silova.

Khatih hunlai kha political ideology lamah in beihna a nasat lai ania, Che Guevara pawh kha hemite politics vir vel hian a influence ve viau in ka ring hial ani. He nu hian haw tu ngah viau na mahse a survive ta tho ti mai ang, official takin, "Spiritual Leader of the Nation of Argentina" An ti hial ani. Tuna Argentina-a an party lian ber leh rorel lai khu 1946 vela a pasal nena an din ania. A pasal pawh hi nupuite a enkawl thiam viau ani maithei a chher chhuak fuh thei riau, Eva Peron-i thih hnu a a nupui leh pawh Argentina a hmeichhe president hmasa ber ani bawk, amah lah president vawi 3 ni awmchhun ala ni zui a, politics a khel thiam viau nitur ani.

A hnu a a nupui president a rawn nih theihna ah pawh hi a hma a Eva Peron-i te hmalakna rah ani a tih theih ang. Feminist movement ah a pawimawh hle a, amah hi rethei chhungkua atanga rawn chhuak anih avangin khang hunlai a working class te dinhmun a hriat thiam em em vang tepawh aniang feminist dang te aiin a influential bik hle a, amah avang hian vote pawh neilo thin atangin hmeichhia in politics an rawn luh chilh ve thei ta ani. Tuna Argentina a an party lian ber Peronist party ah Female wing a din vang a tih theih ang hetia a hnu lawk a hmeichhe president an rawn neih theih chhan hi.

Ama hming hian rethei te tanpui tur "Eva Peron Foundation" an din a, he foundation hnathawh that avang hian Argentina ah health care ah intluktlanlohna awm thin a reh phah anti hial ani. Tin, amah hi a inpe zo in phar tepawh a khawih hrehlo thin, mother teresa ang deuh mai kha anih duh hmel te ka tia. He foundation hian Evita City an din bawka tu thlengin ala awm. Nu rapthlak tak hi chu, a thih hnu ah pawh a ruang an buaipui nasa hle a, statue of liberty aia liana amah hriatreng nana milim siama a chhunga a taksa embalm chu dah an tum laiin sipaiin Juan Peron-a sawrkar an rawn paih thlak khan, a nupui ruang a tlanchhiat san vei a. Sipaiin Milan, Italy ah anlo phum ru daih a, kum 16 hnu a an hriat chhuah hnu in Spain ah an han dah leh laklawh a, chumi hnu ah Argentina ah an la lut ta chauh ani. A thlan pawh ah pawh hian security an han dah khauh mai mai khawpa, heti hian saying a awm phah ani Argentina ah chuan, "It cost much more to die than it does to live."

A pasal thih ve hnu in, a hnu a a nupui neih leh kha Argentina mai nilo Western Hemisphere pum a hmeichhe ram hruaitu hmasa ber alo ni ta ani. A hla hrim hrim pawh hi sak leh ngaihthlak leh sak te an han khap ngial thina a lar phah zawk mah emawni tihtur ani. A sei palh ang net ah chhiar zawm tur a tam bawka duhtawk mai ang. Alo rapthlak ani e he nu hi, mizoram a MHIP ho khan in ban kual vel lovin entawn teh u. :P

http://www.youtube.com/watch?v=vdRwVOLzSrE

Pu Newton-a Lehkhabu

2011-10-29T15:52:00.003+05:30

Ni 26 atang khan Royal Society hian an journal archive hlui ho hi free a access theihin an siam a, he an archive ah hian modern science an develop vanglai vel documents eng eng emaw hmuh ve hrim hrim chakawm deuh deuh a awm teuhin ka ring. Hetiang lam tui pui deuh te in awm takin ka rawn post ve mai mai, ka post khat ve bawknen. Heta awm lar zual te chu, Newton-a scientific paper publish hmasak ber te, Charles Darwin-a geological work te, Benjamin Franklin-a lehkhachaih experiment te anni hlawm(Pu benjamin Franklin-a lehkhachaih chungchang hi primary/middle velah english subject ah kan zir tawh in ka hria).

Chuan keipawhin ka browse kual vel na lamah Newton-a lehkhabu lar deuh, "one of the most important works in the history of science."an tih, "Philosophiæ Naturalis Principia Mathematica" kha english a an leh hmasak ber ka hai chhuak nawlh mai a in en ve duh takin. Newton's law hi zirlo kan awm awmlo e, he lehkhabu hi Newton's law te, law of gravitation te leh planetary motion a rawn tlang au puina lehkhabu kha ania. Latin tawngin a ziak a, tawng hrang hrangin an letling nasa hle.

Heihi a link.

Volume 1:

http://books.google.com/books?id=Tm0FAAAAQAAJ&pg=PA1#v=onepage&q&f=false

Volume 2&3:

http://books.google.com/books?id=6EqxPav3vIsC&pg=PA1#v=onepage&q&f=false

Ka ngaihdan mai mai chuan, Pu Einstein-a tekha an genius in an creative viau pawh ani thei a, mahse Pu Newton-a tluk a mel lung phun tu an awm ka hrelo. Mahse Leibniz-a nena calculus an inchuh lai vel kha chuan a che uih ve hle ani awm e, hming lem hmangin amah tan na lam article a ziak thin anti. A hnu a an han chhui chian in amah Newton-a ziah vek ah an chhui lut ani awme. :D Bible leh rinna lam article (eg. Daniela lehkhabu a review-na tihvel anni hlawmin ka hria.) pawh a ziak nual a, online a en theihin an awm hlawm e. A peih tan zawn theih.

Bonus ah, heihi a paper hmasa ber, light leh color vela a ngaihdan. A hunlai kha chuan a dik ve hmel duh fii ang.

https://docs.google.com/open?id=0B7hW6iELWQ8qNTY5MWU2ZmEtN2FkYi00ZjVmLWI5ZDQtMjQwNjEwODU1ZTEx

It’s your life… So what? You are fooling around and you don’t even know what you are up to.

2011-09-17T17:17:00.002+05:30

Saptawng thiamloh nak laiin tun tum chu a thupuiah saptawng a lang tlat. Tunlai chu thiante hnen atangin serious ve deuh tura thurawn ka dawng ka dawng ta mai a. Mahse naupang ho hi zilh ve khanglang daih teh ang. Mahni insiamthat ai chuan a awlsam zawk. heheh! Hmanni post leh comment a hot lai vela ka rilru a lo awm daih ka rawn share ve mai mai. In ngaihdan ani ve em pheichu ka hrelo a.

Kan nun kawng hi mi chi hran hran kan awm angin han generalise ngawt theih chu a nilo a. Mahse heti zawng hian ka ngaihtuah mai mai a. Transformation period ang zawngin then ta ila, naupang atanga tleirawl, tleirawl atanga nula/tlangval, nula/tlangval atanga puitling, puitling atanga pitar/putar. Puitling chin hi chuan nun kawng anlo zawh hnem tawh avangin a, awlsam zawngin, inner peace nei chin ti mai ang. Misualah pawh hian puitling chin hi chu an cool deuh raih ni ten ka hre thin. Nun kawng ringawt ah lo pawh thil hrang hrangah kawng lo zawh nasa tawh inner peace nei chin hi chu an ril raih bik tehian a hriat. Entirnan piantharna kawngah tepawh piangthar tir a phawvuak a an buai laiin kohran upa chin vel hi chu an cool deuh ruih niin ka hria. Chuvangin inner peace nei chin ho hi chu sawi tello ila.

Hmeichhe PMS nen ka’n tehkhin lawk ange. hehe! hmeichhe ho zingah PMS la na chi leh la na lo chi an awm ang deuh hian heng transformation period ka sawi ho hi engtizawngin emaw la na chi leh la na lo chi a awm theih viau ang a, tih lam hi ka ngaihtuah ta hluai alawm mawle. Mihring nun kawngah hun pawimawh lai tak anni hlawmin ka hria (a pawimawh vek na chungin).

A kum zawngin then a har angrenga thenkhat nulat tlangval hre har deuh te, thenkhat advance deuhte kan ni hlawm ang. Tunlai ah chuan tamtak chu an rawn tleirawl tirhin star te neiin ngaihzawngte an rawn hre ve tan a. Thildangah pawh an thian circle te alo zau deuha, thil tamtak an rawn ar khaw thim dai ani ber ang chu. Hetah hian ruihtheih thil lama kal sualna te, sex lama kal sualna te in tanna lai leh awlsam lai tak niin ka hria. Hetah tak hian a la nalo chuan ngaihzawng neih tak tak la ngamlo in star neih te kha an duhtawk a, ruihtheih lam pawh an ti ve chhin anih pawhin an kal thui lemlo a. Mahse, a la na chi chu kan hriat angin an kal sual thui hman thei hle ani. Hetih hunlai hi chuan chhungte an pawimawh hle in ka hria. An nun tawn chhoh tur an hriat a an in ready theihnan a theih tawp chhuah hi a tha ber in ka hria. Chulai chu a har angreng anga, har viau mahse theihtawp chhuah tluk awm heklo.

Hmeichhia bik tan hetih hunlai hi an vulnerable-in life ah risk a san lai tak ani bawkin ka hria. An future ngaihtuahin an la in veng thiam tawklo a. Mizo leh Mizo inngaizawng ah pawh, an nun zawng zawng ti chhe thei ngaihzawng thalo an neih palh hloh chuan a pawi thui thei hle a, ngaihzawng tha an neih palh hloh chuan nakin, an upat deuha an inven thiam hun thlengin an him thei ang.

Phai a lehkhazir ho hi, an tan a tha leh thalo hrelo a duh duh tih theihna freedom an neih tam avangin nu leh pa te tan pawh fimkhur a ngai hle in ka hria. Delhi a ka thian pakhat chuan, an chhungte hnamdang ngaizawng chanchin a sawia, “Anni hi chu Mizo mipa ngaisanglo generation annia, thu tha han hrilh dawn pawhin, ‘Ka life ania ka thu thu.’ tiin mi an la ngei zawmah thin bawk sia. Ka ti vel peihlo” A ti et a. A dik leh dikloh pheichu ka hrelo a, thu thang diklo ni se ka ti khawpmai. Hetiang tan hian ngaihzawng tha neih na chance a tamlo viau in ka ring, an hnamdang ngaihzawn ho pawh hian enjoyment ah vel bak an duhlo ang tamtak chuan. Mipa lampang hi chuan hnamdang hmeichhe ngaihzawn hi an ching lutuk lo niin a lang. Mizo mipa ho cheers.

An in hmangaih phawt chuan duhleh in ngaizawng se, pawh han ti thin mahila, hetiang hi chu tleirawl atanga nula/tlangval a in transform tawh ho tan a sawi chi chauh niin ka hria. Hmangaihna pawh la hrethiam tak taklo leh la experience tak taklo tleirawl ho mindset a hetiang a in tuh hi a thalo hle in ka hria. Tleirawl lai atanga hetiang mindset an neih chuan an nulat thlenga an chhawm chho zel anih loh vek pawhin vai ngaihzawn hrep tawh hnu chu rin aiin mi’n an ngaisanglo ang tih tepawh a hlauhawm thei. In ngaihnep hi kan ching ve hlawm ropui si. Mahni thil neih ngainep a midang thil neih awt bawk si te pawh kan ang rum rum mai dawn. Hmeichhe dinhmun chawikan kan tih rualin hmeichhe lam rilru a hetiang a awm anih chuan kan hnam tan pawh a hrisello in ka ring. Mizo mipa te i chawimawi thiam ang u. (Mipa ka nih vanga tan bik ka ni miahlo ania, keichu tuai ka ni daih. )

A sei tawh angreng emai conclude rih phawt mai ang.

Hetiang tleirawl ho hian, “It’s my life.” pawh ti sela. U zawk leh life a experience ngah zawk leh thil hre zawk tehian, “It’s your life… So what? You are fooling around and you don’t even know what you are up to.” Tiin a tul anih chuan an tan a tha tur i hrilh ngam ang u. “It’s my life” tih a mahni image care loh ringawt te hi puitlin hunah alo tha dawn miahlo alo nia. He thu hi kan hriat tlan ka duh khawpmai:

We are writing our history while shaping our own destiny.

A sei tawh bawk si tleirawl –> nula/tlangval leh nula/tlangval –> puitling inner peace la nei phalo chin si chungchang vel chu duhleh remchangah kala rawn ziak leh dawnnia.

Mizo Mipa ho kha ka fak che u sia, inlo pa lehzual theihnan he hla hi ka’n thlan sak ang che u.

NLUP sum leh Congress ministry

2010-04-16T14:32:00.005+05:30

Congress Ministry chungchanga tunlai sawi hlawh berte zing ami chu an flagship programme NLUP hi ani. Hun engemaw chen chu peih mai tura sawi anih mek laiin hmanni khan kan Home Minister in NLUP sum chu sorkar sum indaihlohna/remchanzawkna? avanga Department 22 ah (Rs.95.52 crore) sem darh anih thu a sawi kha kan hre theuh awme, Hun chep tak kara hetianga sem darh ani ta thut hian zawhna tamtak a chawk chhuak tih chu chanchinbu lamah te kan hmu ta fo reng ani. Hemi rual hian “miretheite hmangaihtu” sorkar nia insawite tawngkam leh chetkual dan rilru ah alang nghal bawk. Tunlai kan CM hmui leh mi rethei (a VIP te) tih hi a inhmeh em em lai hian keini mipui, mirethei te hian mipui sorkar a miretheite chawikan annih hun tur chu kan thlir.. ngeni he beiseina hi a khural mai zawk dawn? Controversy tam tak karah tunhnaiah AH & Vety Dept. atanga bul tranin hmalak mek ani ta a. Hei erawh thil lawmawm leh ruahmanna fel tak nena kalpui turah ngai phawt ila.

Tunlai Mizo mipuite zingah mi fing taktak, bum nih duhlo tamtak an awm tawh. Hetiang anih mek lai hian kan ram duh tak min hruaitute “nuam tawl sorkar” tih hiala sawi an lo nita hi an inenfiah a pawimawh takzet ani. Financial year a'n zova, sum hman hmnnloh kan ngah zia kan CM ngei pawhin a sawi laiin mi retheite sum erawh indaihlohna avanga sem ral ani leh lawisi hi keini miretheite hian a na kanti..! Chutiang anih deuh nuaih laiin WORLD RECORD siam nana sorkar sum, Rs.40lakhs sen ral te, CM HELICOPTER chuan nana sum Rs. 5,63,500 hmanral te kha kan rilru ah vawng tel bawk ila..! Hei hian tuna kan Sorkar Pro-poor/pro-people programme a tilang chiang hle, Central sorkar aam admi policy nen a inhmeh em tih tepawh ngaihtuah tel ta ila tha in ka hria. Thil dang deuhah, eiru thubuai chinfel lawmna tih te, Home Minister in lelte award dawngtute dinner eipui tih vel te, a nuam khawp ang!. Politicians threuh threuh Rahul Gandhi an thingtlanga dalit ho inah dal-roti a kilpui tih nen chuan a ri a inang lo hle tih te min ngaihtuah tir. Kan ram retheih leh intodelh loh viau laia heng extravaganza a sum an luang ral mai mai te hi zahthlak tak ani. Khing aia ramin kan mamawh hmasak kan tlakchham em em si, a langsar zual ah power, tui, gas etc a harsatna sutkian lam te hi a democratic fe zawk lo maw?

Tuna kan sawrkar sum lapse (cheng vaibelchhe 70.52 vel anga report) chungchangah pawh sawi a tam. Lal ruai kil phak leh corruption ni chiah silova a thau sawk thei chin bill cheng nuaih 71 tihvel, Pii nau bill nuaih engemawzah telve tih thawm te hi a dik angem aw..?! a dik anih chuan tuna kan CM hian miretheite aia a mimal VIP te tan hian a hmaa an hloh zawng zawng bakah a let vel an hlep theihna turin supply tihvelah duhsakna uchuak a lantir lo ring lawk phawt ila thilmak ani hran dawn emni.. a kuma kum hetianga an induhsak anih chuan hausa sa tan pawh hausak belh zel a awl khawpang le...(corruption zawnga han tih theih leh dan ang taka thil diklo anih pheizawng ka hre lemlova) Engpawh nise, chutiang vang ni lem lova a ‘mualphothlak’ em avang zawk a CM thinrim ang chhuak in, a mawhphurtute zawn chhuah a hrem annih ngei tur thu a sawi hial a. Debate a ti tamin mithiamten an sawifiaha, sum Lapse hi retrieve theih ani tih an sawi hnuah chuan mawhphurna a lak thu a sawi leh si te kha a ngaihsanawm dan a dangdai ve reng rengin ka hria!. Opposition party lamin an dem a MNF President ngei pawhin sum luangral hi hmuh let theih a rinloh thu a chham laiin thenkhat ve thung chuan lapse lo ta se Treasury khar hial a ngai thei ang an lo ti ve bawk a. Accountant General Vishal Bansal in Mizoram Plan Budget lapse hi State Consolidated Fund ah lutin, thuneihna chu Executive atanga Legislative ah a insawn thu a sawi ta bawk kha ania (heihi a nih dan tur ve reng nge central lama link ten an hmingchhiat thupnan an rawn her danglam phei zawng ka hrelova..).. Hmu let emaw let lo emaw,he thil thleng hian Congress ministry administration felloh zia leh kalphung her danglam a ngai hle tih a tilang chiang khawp. Treasury in heti zat bill a pass hmanlo hrim hrim hian a Department enkawltu CM inthladah zia a pho lang hle bawk. Sorkar hnathawkte thatchhiatna au puia 50% pawh bang se buaina a awm ringlo tu tan chuan he thil thleng hi mahini in en leta zah ngawih ngawih na tham ah ka ngai.

Tin, CM in Sorkar hnathawkte sawi thraih leh vau chiam ang chi hi a fuh berlo. Seat of Power, dinhmun pawimawh leh zahawm taka thru(kan aiawh tura kan thlan mai mai ni lawi si..) hian mipui zahna hi an hlawh chhuak tur ani. Programme leh Policy, hmalakna tur ang chite mipui hip nana an tiam anih chuan hlen ngei a trul. Hlawhtlinpui leh zui si loh thin hian mipuite zah lohna leh bumna a entir thin. NLUP sem chungchanga thutlukna nei leh lawk theilo, ‘hnam ngeng chhun’ tia Rev.Chanchinmawia thihdan thlaruk chhunga chhui tih te… an thu tiam zawng zawng tekha tih hlawhtlin an neih ka hrelove.., an thutiam hi engtikah nge a taka chantir anih dawn? Zoram mipuite dawhtheihna hi a nghina, an awmthat duh loh hun a thlen mai chuan an hlauhawm khawp ang. Rev. Chanchinmawia thih chungchangah khan ka rilru ala dam theilova, khatiang taka mi diklo tena mipui pawh zahlova thil anti thei tekhan ka rilru ala tina ani. Khami avang leh politician te awmdan avanga mipui lungawilo leh thinrim hi an hlaulo anih chuan puah keh hun ala nei anga a sawhkhawk chu nasa tak ala ni ang. Hetianga mizoram, midiklo te thiltihtheihna hmuna siamtu kan hruaitute hian mipuite zahlo takin trawng chhuak trawng chhuak lo sela anmahni hi in en let zawk rawhse. Tawngkam ringawta mi retheite hmangaih inti hruaitu hi kan mamawh lo.

Ram hruaitute tawngkam thlahdah chungchangah pawh sawiselna leh fuihna chhuak a tam. Corruption a zung nen lama pho ro a tum thu kan hre lar. Mi titi a tuna a minister chhuanvawr pawh hi a MLA lai khan zinloh bill la zinga tel nia an sawi te hi…?RTI a hai lan anih hnu ah pawh la pe let duhlo anih chuan eiru nilovin eilang ani tihna animai lawmni? Eilang pawh a thawhpui duh chuan engtinnge eiru chu a phoro tak ang le? An sawrkar hmasak lai atanga an awmdan tepawh mipuiin kanla theihnghilh bik hleinem.. Officer lian taktak, eiru nasa leh Sorkar zahna leh hlauhna nei map lo, transfer takngial pawh tih hleihtheih loh khawpa inluling a an sawi tehi.., ‘pho ro’ an nihloh chuan vulh len zui zelin an awm dawn ta em ni? Hnalak chungchangah te pawh, District pakhata Dept Officer chuan hnadil leh pek lamah chuan official thu zawkte duhsak zawng ten an luah zel avangin thu an neih ve loh thu a sawia. He kalphung, thuneitute’n a an duhsak zawngte an thiamna in phak lo chunga hna pawimawh taktak an pek thin hi kan ram thanmawhbawkte zing ami, mi tam tak rilru natna, corruption chikhat ani, pho ro a sim hmak a hun tawh.

Ram hmasawnna tur atana mipuite mawhphurna leh insiamthat trul zia chu sawi loh a lum ani. A materialize na tur erawh chuan ram hruaitute hian mawh an phur tlat si ani. Chuvangin kan elected representatives te hian an dinhmun hi misuse lova tih takzeta an beih ava hun ta em. Moral Reformation pawh hi ram roreltute atanga tran anih ngat chuan an kaihhruai mipui te hian kan zawm em emin a rinawm. Tun atanga kum 30 velah chuan thangthar te hian tuna Zoram min hruai dan chungchang hi anla lepse dawn chauh, tuna pu hawla thuneih leh neihloh hi an rawn care dawnlo.. Ram leh hnam hmangaih inti tu te tan chuan thahnemngaia thawh mawlh mawlh ava hun em!. Eng ang legacy nge he sorkar hian an hnutchhiah dawn tih chu an kuta awm ani. He sorkar history, kan ram history la ni tur hi, chhuang takin kan la sawi dawn nge thinrim leh zak takin kan la reflect dawn?.

Zoram Football

2009-12-14T22:17:00.002+05:30

Ka ngaihdan ve mai mai, midangte ngaihdan aia dik bik kherlo..

Mizoram football hi thingkung nen tehkhin ta ila, kung ro rip rep leh lianlo takin a ding ve a, a theihna zawng zawng nena parin rah a rawn nei ve pheuh pheuh a, chung a rah techu a rah tam lehzel naturin kan lawm thiam em em.

Amaherawhchu, rah tha tura kan duh chuan a kung zawk a hi kan chawm thau angai niin ka hria, tuna a rah kan buaipui em em, kan fak tlawr hluah bakah hian. Tuna a rah tehi chu rah tak tak pawh nilo, a tangrah mai mai angah ka ngai(Tangrah-ate ti tawh ila tha ang ).

Khawvel football kaldan en ta ila, World cup te European cup tehi kan lawmin football pawh a chawi lar hle a mahse player tena eizawn nana an hman ber leh hetiang tournament lian hmuhnawmna leh hetianga khel tur player te chherchhuak tu, football kungpui ber chu Football club te leh an league, premier league ang tehi anni zawk. Mizoramah pawh YMA/VC ten boruak nei lianin football an promote em em, chutih rualin kan football kungpui ber zawk Club football hi theihtawpa promote angai ve bawkin ka hria.

Thildangah pawh kan sawi thina mizoram, primitive society la hnaih em em si hi tunlai khawvel changkangah kan han awma, a bulls eye hit fuh chiahlova thil kan tih leh ngaihtuah hi ala tam em em ani. Football ah pawh hetiang tho hi niin ka hria.

Amaherawhchu, first division league tehi media ho pawhin han thlawh larin boruak han ti HOT se ti viau mahila kan dinhmun hi hai lo bawk ila. Heng kan local club inkhel tehi YMA/VC tournament te angin a lar hluai chuanglo ang, khawvel club lian inkhel ngaihven lova world cup vel ngaihven ta hluah an tam ang hian a boruak hi a dang ve hrim hrim a, tin, heng kan local club leh league tehi eizawnna tham turin chawikang ang u ka tihna pawh ani lemlova, chung chu duh viau mahila beisei phak anilove, kan economy leh mipui te pawhin kanla tlinlo tih hre chung rengin, pawimawh ti em em chung siin he article hi rawn ziak kani tih minlo hriatpui ula.

India ram club lian ang level hi chu pakhat bak kan afford lo, mi tamtak pheichuan pakhat pawh kan afford anla ring chuanglo ani. Amaherawhchu, chumi avanga ngaihthah ringawt chi anilo, tlin tawk leh phak tawk kanneia chutah chuan theihtawp kan chhuah angaiin ka hria.

A tul anih chuan a zungnen lam pawh phawnga hmun tha zawk leh rualrem zawka phunsawn pawh angai maithei. Engvangin maw? Football hi mipui tan chuan entertainment show hmuhnawm tak ani a, mahse tuna kan MFA league tehi chuan mipui a entertain vaklo in ka hria, thingkung ro rip rep, hnah alawi pawh neilo angvel ani e.

Chuvangin engemaw hi chu siamthat angai ani, media nena thawh ho that tehi a pawimawh em em. Englekhawle, kan First division club te inkhel tal hichuan boruak nei lian ve rawh se, chu chu ani tawpmai, Tangrah-ate u . Tin, YMA/VC tournament te lar viau mahse kan local club inkhel hi a hliahkhuh tha chuanglo ani.

ps:Media in an thlawh lar tawh chu mipuiin kan bawh hluai thin tihte han ngaihtuah chuan club lian hi chu kan afford ang mawle.. Club lian ka’n tih hi local club ang tho mahse sum ngah leh fans ngah tur chuan tuna kan local club te kal dan aia saipui kala kal deuh ka tihna mai ani. Tin, tlema local club leh league chawikan pawh hi a theih turah ka ngai.

Youth icon, idol tih vel ang deuhin heng local club league(phailama khel tellovin) atang tehian football icon kanti dawn nge footballer tha tehi han thlang ve ila a tha lehzualin ka ring ve mai mai. nge tiger5 ang chi tehi mizoram tan chuan a entertaining tawkvel chauh maithei bawk, TV ah pawh hian grass tellova nisa a inkhel hi chu en a harin lak thiam a har(camera that tawkloh vang pawh ani mahna) thei ve bawk sia.

kan club neih hote hian tiger5 team te nei sela, kan hall thenkhat tehi tiger5 khelhnan han let ta ila( a len dawn leh dawnloh pheichu ka hrelaw) tiger5 hi chu indoor anih chuan TV ah pawh a hmuhnawm deuh ang te ka tia.

ps: Hei zoramah ka awmlo ve khanglang bawknen ka beng tehi a varlo angrenga, “mizoram football chanchin hrelovin a ziak ngawt a..” minlo ti anih pawhin pawilo ah ka ngai mai ang, ka hriat lai milin ka ziak ve thawr anih ber hi.

New Land Use Policy (NLUP)

2009-03-11T22:01:00.001+05:30

Tun kan sawrkar thar chuan hman atanga an policy chhuanvawr NLUP hmanga retheite chawikan an tum tak tak ni in a lang ta. Hetianga kan ai awha kan thlan tlin ten thahnemngai taka ram tih hmasawn an tum thu an han sawi hi chuan ngaihtlak pawh a nuam thin. Tin, anlo hlawhtling talo anih pawhin mipui ten kan pawng dem ngawt tur anilova, an thahnamngaihna tak kha kan zah thiam tur ani. A engamah hma a lo sawisel rikngawt te, an hun kal tawh avanga lo hnualsuat ringawt te hi a dik ber lemlo. Thlan tlin tlak ber ni a kan ngaih leh beiseiawm ber ni a kan hriat kan thlan te anni tih hi theihnghilh lo ila.

Amaherawh chu thahnhemngaih ah ngaih luat a awmlove, ram hruaitu atana kan thlan mi ngaihsanawm tak tak tehian kan buaipui hi ho tih nalai riau ka nei tlat thin. Kan sawrkar policy chhuanvawr ah te hian Mizoram hmasawnna ruhrel tur hi a tello tlat zel hian rilru a ti na in thahnemngaih ati zual thin ani.

NLUP hi a tha e, ka sawisel lo, mahse hemi chauh hi ami kan sawrkar hian a buaipui dawn? State pawnlam atanga sum hailuh theihna lam kan thlahthlam anih ngat chuan NLUP pawh hi lo hlawhtling viau pawh nise hlawhtlinna zikbul mai mai tur ani tih kan hrethiam theuh awm e. Khawi atangin nge Mizoram hian kan leiba zozai tehi kan rulh ang? a thlawna pawisa hmuhna lam ringawt hmanga kan politician ten mipui min thlem thin hi chu rilru a na duh ngei, a thlawn anga kan ngaih te hi a thlawn anni tak tak lo lehnghal, leiba ti tipung tu mai annih hi. Mizoram lei bat a tam tual tual a, kan politician te leh an vua leh vang an hausa tulh tulh bawka, Mipuite pawisa bat hian an in chhek arbawm nimai in a lang.

NLUP tihvel STADIUM tihvela kan thlan tlin mi chhuanawm tak tak ten an hun leh an ngaihtuahna tamtak an han seng ral a tifuh anla inti em em zui hi chu, thahnemngaih ala na duh ngei mai. heng thil te hi chu a titu tura ruat te kut ah hlan ta mai se anni hi chu hmasawnna ruhrel (economic infrastructure) lam hian an rilru kap ta zawk se ti in duhthu ka sam ani.